ବିଜେପି ରେ ମିଶ୍ରଣ ପର୍ବ
ଢ଼େଙ୍କାନାଳ ୧୪/୦୪ – ଢ଼େଙ୍କାନାଳ ଜିଲ୍ଲା ପରଜଙ୍ଗ ନିର୍ବାଚନ ମଣ୍ଡଳୀ କଙ୍କଡ଼ାହାଡ଼ ବ୍ଲକରେ ଅନ୍ୟ ଦଳର କର୍ମୀ ମାନେ ଆଜି ତାଳଚେର ସ୍ଥିତ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶ୍ରୀଯୁକ୍ତ ବିଭୁତି ଭୁଷଣ ପ୍ରଧାନଙ୍କ କାର୍ଯ୍ୟାଳୟରେ ଅନୁଷ୍ଠିତ ମିଶ୍ରଣ ପର୍ବରେ ଯୋଗଦେଇଥିଲେ ।
କଣ୍ଟାପାଳ ପଞ୍ଚାୟତର ଧରଣୀଧର ସାହୁ, ବାମ ପଞ୍ଚାୟତର ହରିହର ମହାନ୍ତ, ଉଦୟ ମହାନ୍ତ ଙ୍କ ସମେତ ଅନେକ କର୍ମୀ ଆଜି ପୂର୍ବତନ ରାଜ୍ୟ ସଭା ସାଂସଦ ରୁଦ୍ର ନାରାୟଣ ପାଣି,ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଭୁତି ଭୂଷଣ ପ୍ରଧାନଙ୍କ ଉପସ୍ଥିତିରେ ବିଜେପି ଦଳରେ ସାମିଲ ହୋଇଥିଲେ।
ନୂତନ ଭାବେ ମିଶିଥିବା ସଦସ୍ୟ ମାନଙ୍କୁ ଦଳୀୟ ଉତୋରି ଓ ପୁଷ୍ପ ଗୁଛ ପ୍ରଦାନ ପୂର୍ବକ ସ୍ୱାଗତ କରାଯାଇଥିଲା । ଆଜି ନୂତନ ଭାବେ ଯୋଗ ଦେଇଥିବା ସଦସ୍ୟ ମାନେ କହିଛନ୍ତି କେନ୍ଦ୍ରରେ ଶାସନ କରୁଥିବା ନରେନ୍ଦ୍ର ମୋଦିଙ୍କ ସୁଶାସନ ଓ ଜନ ପ୍ରିୟ ଯୋଜନା ଉପରେ ଅନୁପ୍ରାଣିତ ହୋଇ ଆମ୍ଭେମାନେ ଦଳରେ ସାମିଲ ହୋଇଛୁ ।
ଏହି ମିଶ୍ରଣ ପର୍ବରେ କଙ୍କଡ଼ାହାଡ଼ ବ୍ଲକର ପୂର୍ବତନ ଅଧ୍ୟକ୍ଷ କାର୍ତ୍ତିକ ସାହୁ,ଯୁବ ନେତା ରାଜେଶ ଦେହୁରୀ ପ୍ରମୁଖ ଉପସ୍ଥିତ ଥିଲେ ।
