ମୀନା ବଜାର ଶ୍ରୀ ଶ୍ରୀ ମଉଡମଣି ରାଜଲକ୍ଷ୍ମୀଙ୍କର ଜନ୍ମୋତ୍ସବ ପାଳିତ
ଢେଙ୍କାନାଳ, ୧୪/୩ : ଢେଙ୍କାନାଳ ସହର ମୀନା ବଜାର ପୂଜା କମିଟି ତରଫରୁ ଶ୍ରୀ ଶ୍ରୀ ମଉଡମଣୀ ରାଜଲକ୍ଷ୍ମୀଙ୍କର ଜନ୍ମୋତ୍ସବ ନୀତି କାନ୍ତି ସହ ପାଳିତ ହୋଇଯାଇଅଛି ।
ମା’ଙ୍କ ପୂଜା ସକାଳ ୫ ଟା ୩୦ ମିନିଟ ରୁ ଆରମ୍ଭ ହୋଇ ଦିବା ୧ ଘଟିକା ପର୍ଯ୍ୟନ୍ତ ପୂଜକ ନରୋତ୍ତମ ନନା ଓ ରବି ନନାଙ୍କ ତତ୍ବାବଧାନରେ ଅନୁଷ୍ଠିତ ହୋଇଥୁଲା । ମଧ୍ୟାହ୍ନ ସମୟରେ ଭକ୍ତମାନେ ପ୍ରସାଦ ସେବନ କରିଥିଲେ।ପ୍ରତିବର୍ଷ ପରି ଚଳିତବର୍ଷ ମଧ୍ୟ ମୀନା ବଜାର ପୂଜା କମିଟି, ଟ୍ରଷ୍ଟର ପଦାଧିକାରୀ କର୍ମକର୍ତା ଓ ବଜାରର ଶ୍ରଦ୍ଧାଳୁମାନଙ୍କ ସହ ଯୋଗ ରେ ଏହାକୁ ମହାସମାରୋହରେ ପାଳନ କରାଯାଇଥିଲା । ଟ୍ରଷ୍ଟର ଅଧ୍ୟକ୍ଷ ଲଳିତ କୁମାର ପଟ୍ଟନାୟକ, ପୂଜା କମିଟିର ସଭାପତି ରବି ମହାନ୍ତି, ଟ୍ରଷ୍ଟ ଉପାଧ୍ୟକ୍ଷ ବିରଞ୍ଚି ନାରାୟଣ ସାହୁ, ଟ୍ରଷ୍ଟ ସଂପାଦକ ପ୍ରଫୁଲ୍ଲ କୁମାର ବେହେରା, ପୂଜା କମିଟିର କାର୍ଯ୍ୟକାରି ସଭାପତି ନିରୋଧ କୁମାର ସାହୁ ଓ ସଂପାଦକ ପିତବାସ ସାହୁଙ୍କ ବ୍ୟତୀତ ଲୋକନାଥ ମହାପାତ୍ର, ଉଦୟନାଥ ବେହେରା, ଦିଲ୍ଲୀପ କୁମାର ସାହୁ, ଗିରିଜା ଶଙ୍କର ସାହୁ, ଶ୍ରୀକାନ୍ତ କୁମାର ମହାପାତ୍ର, ଦୟାନିଧି ବେହେରା , ସୁଧାଂଶୁ କୁମାର ସାହୁ ପ୍ରମୁଖ ଉପସ୍ଥିତ ରହି ପୂଜା ପରିଚାଳନା କରିଥିଲେ ।
