ବିଳମ୍ବିତ ରାତିରେ ବ୍ୟବସାୟୀଙ୍କ ଗ୍ୟାରେଜରେ ବୋମାମାଡ଼। ପିକଅପ ଭ୍ୟାନ ସମେତ ୮୦ ହଜାରରୁ ଉର୍ଦ୍ଧ୍ୱ ଟଙ୍କାର ଗୁଟଖା ନଷ୍ଟ
ଢ଼େଙ୍କାନାଳ: ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ସାଇ ବିହାର ଲେନରେ ଥିବା ମାଷ୍ଟର ଭେରାଇଟ ଷ୍ଟୋରର ମାଲିକ ସରୋଜ ଭୂଷଣ ମହାନ୍ତିଙ୍କ ଗ୍ୟାରେଜ କୁ ବିଳମ୍ବିତ ରାତିରେ ବୋମାମାଡ଼ କରିଛନ୍ତି ଦୁର୍ବୁତ୍ତ।
ଗ୍ୟାରେଜରେ ଥିବା ପିକଅପ ଭ୍ୟାନ ସହିତ ଫରଚ୍ୟୁନର କାର କାଚକୁ ବାଡେଇ ଭାଙ୍ଗି ଦେବା ଶହ ପିକଅପ ଭ୍ୟାନରେ ଥିବା ପ୍ରାୟ ୮୦ହଜାର ଟଙ୍କାର ଗୁଟଖା ଜଳିପୋଡି ପାଉଁଶ ହୋଇଯାଇଥିବା ଜଣାପଡିଛି।
ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ କାମାକ୍ଷାନଗରର ବିଶିଷ୍ଟ ବ୍ୟବସାୟୀ ସରୋଜ ଭୂଷଣ ମହାନ୍ତିଙ୍କ ଗ୍ୟାରେଜ ଘରେ କୌଣସି ଦୁର୍ବୁତ୍ତ ବୋମାମାଡ଼ କରିବା ସହ ପେଟ୍ରୋଲ ଢାଳି ଗ୍ୟାରେଜ ରେ ଥିବା ପିକଅପ ଭ୍ୟାନ, ଫରଚ୍ୟୁନର ଗାଡିକୁ ବୋମାମାଡ କରିଥିଲେ।ଏଥରେ ଉଭୟ ଗାଡି କ୍ଷତି ଗ୍ରସ୍ତ ହୋଇଛି।
ଏ ସମ୍ପର୍କରେ ଖବରପାଇ ସରୋଜ କାମାକ୍ଷାନଗର ଅଗ୍ନିଶମ ବାହିନୀ ଓ ପୋଲିସ କୁ ଖବର ଦେଇଥିଲେ। ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ କରିଥିବା ବେଳେ ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି।ତେବେ ବୋମାମାଡ଼ର କାରଣ ଅସ୍ପଷ୍ଟ ରହିଛି।
